Насыя жоопчотторун көрсөтүү «Банктык сыр жөнүндө» мыйзамын бузуу болбойбу?

Жок. Биринчиден, «Ишенимдин» ар мүчөсү насыячыдан анын маалыматын насыя уюлуна берүү жана аны пайдалануу «калып-макулдугуна» кол койдурушат. Экинчиден, «Ишеним» «каралашуу» негизинде иштейт, бул насыя жоопчоттору мүчөлөргө гана, алар насыя берүү мүмкүндүгүн карап жатканда берилет дегенди түшүндүрөт. Үчүнчүдөн, насыя баяны бересечи мынча өлчөмдөгү насыя жыйындысына ээ экендигин көрсөтүп, берүүчүнү аныктабайт.

«Макулдук» деген эмне?

Макулдук – бул кардардын КНМга (каржы-насыя мекемесине) ал жөнүндөгү маалыматты «Ишеним» НМУга/НМУдан алуу (суроо)/берүү(толуктоо) боюнча жазуулай уруксаты. Жазуулай макулдуктун болушу «Ишеним» НМУдан маалымат суроонун жана алуунун милдеттүү шарты болуп эсептелет.

КНМлар «Ишеним» НМУнун маалымат топтомунан өз кардарлары туралуу маалыматтарды, алмашуу тутумуна мүчөгө кирбей туруп алса болобу?

Жок. Дүйнө жүзүндөгү өзүн сыйлаган бардык насыя уюлдары каралашуу жана бекем адептик эрежени кармангандай эле «Ишеним» НМУнун насыя жоопчоттору маалымат берген уюмдарга гана берет. Бул макулдашуу «Ишенимдин» маалымат топтомун колдонуудагы бүтүндүктү камсыздоо үчүн зарыл. 

«Ишеним» аныктыктын төп келүүсүн кантип тактайт?

Насыя уюлдарынын жалпы тажрыйбасын карманып, «Ишеним» кардардын паспорттук беримдерине (аты-жөнү, туулган жылы, жеке номуру, паспорт номуру) таянып, инсандын өздүгүнө дал келүүсүн аныктайт.

Жакшы таанышым эки жылдай мурун менин атымдан кичи-насыя компаниясынан насыя алды эле, жакында билсем ал эмдигиче төгүп бүтелек экен?

Саламатсызбы!

Урматтуу Талантбек, Сиз насыя туралуу толук маалыматты «Ишеним» НМУ кеңсесинен алсаңыз болот. Дареги: Бишкек ш. С.Ибраимов 115 көчөсү «Дордой Плаза» ишкер-борбору, 5-кабат. Иш убактыбыз дүйшөмбүдөн жумага чейин, сааттары: 09.00 – 17.00

Насыя уюлунун адиси маалымат топтомунун ичинен Сизге керектүү маалыматты издеп таап берүүсү үчүн паспортуңуздун накта өзүн көрсөтүүңүз керек.

Кеңеш бекер берилет. Насыя баянынын жоопчот түрүндөгү басылмасы – 50 сом.

Маалымат алуу сүйлөшмөсү 98 65 65

Саламатсыздарбы, өзүмдүн насыя баяным жөнүндө кимге кайрылып билсем болот?

Ɵз насыя баяныңыз туралуу маалыматты алсаңыз болот:

• «Ишеним» НМУ кеңсесине кайрылып. Ɵзүңүздө паспортуңуздун нактасы болсун. Дареги: Бишкек ш. С.Ибраимов 115 көчөсү «Дордой Плаза» ишкер-борбору, 5-кабат. Иш убактыбыз дүйшөмбүдөн жумага чейин, сааттары: 09.00-17.00, түшкү тыным: 12.00-13.00
• Интернеттен маалымат алууга мүмкүндүк берген I-CIB тутумуна кошулуу/ Кеңирээк…

Насыя баянымдан ката чыкса эмне болот?

Насыя баяныңызда табылган катага макул болбосоңуз кайрылуу аркылуу толук же жартылай оңдотсоңуз болот:

• «Ишеним» НМУга Сиз туралуу тийиштүү маалыматтарды жөнөткөн насыя берүүчүгө;
• Талаштуу маалыматты оңдоого Сизге көмөктөшө алуучу «Ишеним» НМУга;
• Кыргыз Республикасынын сот мекемелерине.

Оң маалымат деген эмне?

Оң маалыматта насыя келишиминин шарттарына ылайык карыздын төгүлүүсү б.а. өз убагында жана толук жабылышы жазылат.

Терс маалымат деген эмне?

Терс маалыматка насыя төлөнбөгөн, насыя келишиминин шарттары аткарылбаган учурлар кирет. Буга ошондой эле карыздын кайра жайгаштырылышы же тыйпыл (банкрот) болгондо насыянын сызылып салынышы кирет.

Маалымат канча убакыт сакталат?

Түзүлгөн күндөн баштап оң маалыматтын сактоо мөөнөтү 10 жыл, терстики 7 жыл.

Мамлекеттик салык кызматы башкармалыгына берүүгө, КЖ соодалык банктарында эсеби жок деген маалымкатты «Ишеним» НМУдан алууга болобу? Болсо, аны алуунун тартиби кандай?

КЖ соодалык банктарында эсеби жок маалымкатты «Ишеним» НМУ бере албайт, анткени, мындай маалыматтары жок. «Ишеним» НМУ насыялар туралуу маалыматка ээ болгондуктан, демек, каржы-насыя мекемелери (аркысы КНМ) алдындагы карызынын барлыгы/жоктугу жөнүндөгү маалымкат (насыя жоопчотторун) берет. «Ишеним» НМУнун 100дөн ашуун КНМ өнөктөшү бар. Сиз насыя жоопчотторун алуу шарттары менен таанышсаңыз болот: мында (здесь.)

Батир сатып алгым келет. Анын күрөөдө бар же жогун билүү зарыл. Силер ушундай маалымат бере аласыздарбы?

Кыймылсыз мүлк туралуу маалыматтарды билүүгө Кыргыз Ɵкмөтү алдындагы Мамлекеттик каттоо кызматынын кыймылсыз мүлккө укукту каттоо жана тиздөө Департаментине кайрылууну сунуштайбыз. Расмий сайт: http://www.gosreg.kg/

I-CIB тейлөөсүнүн мага кандайча кереги тийет?

I-CIB тейлөөсү Сизге мүмкүндүк берет:

• Сизге катталган насыя жана насыя карталары туралуу маанилүү маалыматтарды үйдөн чыкпай туруп, күнү-түнү алсаңыз болот;
• Ката маалыматты оңдоого. Эгер насыя баяныңызда ката кетирилсе, бизге билдиресиз, биз өз кезегинде насыялоочуга тактоо үчүн кайрылабыз да, оңдоп коюубуз мүмкүн;
• Шылуундукка жол бербөөгө. Ɵз насыя баяныңызга жетүү менен сиздин жеке маалыматтарды мыйзамсыз насыя алууга же каскактоочу (поручитель) катары пайдаланганын көрсөңүз болот;
• Насыянын берилбей калуусун түшүнүүгө. Насыя жоопчотун алуу менен насыя берүүчүнүн чечим чыгарышына кандай маалыматтар жеткиликтүү экендигин көрсөңүз болот;
• SMS-кабарлоо тейлөөсүнүн жардамы менен Сиз насыя баянындагы өзгөрүүлөр жана алдыдагы төлөөлөр туралуу кабарланып турасыз;
• Мындан сырткары Онлайн тейлөөсүн колдонуу менен «Ишеним» КНУга барып-келүүгө короочу убакытты үнөмдөп каласыз.

I-CIB Онлайн тейлөөсүнө кантип кошулсак болот?

I-CIB тейлөөсүнө кошулуу үчүн «Ишеним» НМУ кеңсесине келүүңүз керек. Ɵзүңүздүн накта паспортту ала келсеңиз I-CIB тейлөөсүнүн тутумуна кирүү дөндөлүп, анын атыгы менен жашырыгы (логин, пароль) салынган конвертти аласыз. Сиздин арызда жазылган электрон дарекке же уюлдук сүйлөшмөгө SMS аркылуу «Ишеним»НМУнун Онлайн тейлөөсүнө кошулганыңыз туралуу маалымат ошол күндүн ичинде келет.

Онлайн тейлөөсүн алууга билдирүү жазгандан кийин канча мөөнөттө пайдалана алам?

Сиздин билдирүүдө жазылган электрон дарекке же уюлдук сүйлөшмөгө SMS аркылуу «Ишеним»НМУдан Сиздин эсептик жазууңуз жигерденгени боюнча маалыматтын келүүсүн күтүүңүз лаазым. Андан соң http://online.ishenim.kg сайтына колуңардагы атык жана жашырык менен кошулуп жигерденесиз жана акысын төлөгөн соң I-CIB Онлайн тейлөөсүн пайдалана берсеңиз болот.

I-CIB Онлайн тейлөөсүнүн акысы?

Жеке тараптар үчүн «Онлайн-насыя отчет» тейлөөсүнүн бир насыя отчету үчүн баасы 50 сом. «Онлайн-насыя баяны» тейлөөсүнө бир айга 100 сом тизинде (абонент) акысы төгүлсө, өз насыя баяныңызга чектөөсүз кире берсеңиз болот. Мындан сырткары «Онлайн-насыя баяны» тейлөөсүн жандыруу менен Сиз 5 бекер «SMS-кабарлоо» аласыз. Эгер сизге 5 СМС жетишпесе биз «SMS-кабарлоо» тейлөөсүн чын жүрөктөн сунуштайбыз. «SMS-кабарлоо» тейлөөсүнүн тизинде акысы бир айга 30 сом. Ɵз жеке эсебиңизди http://online.ishenim.kg сайтындагы өз бөлмөңүзгө колуңуздагы атык жана жашырыкты киргизүү менен билсеңиз болот.

Укуктуу тараптар үчүн «Онлайн-насыя отчет» тейлөөсүнүн бир насыя отчету үчүн баасы 100 сом. «Онлайн-насыя баяны» тейлөөсүнө бир айга 200 сом тизинде (абонент) акысы төгүлсө, өз насыя баяныңызга чектөөсүз кире бересиз. Мындан сырткары «Онлайн-насыя баяны» тейлөөсүн жандыруу менен Сиз 5 бекер «SMS-кабарлоо» аласыз. «SMS-кабарлоо» тейлөөсүнүн тизинде акысы бир айга 30 сом.

Онлайн тейлөөсүнө акы кантип төлөнөт?

Тейлөө үчүн акыны «Ишеним» НМУ кеңсесинде, ошондой эле «Мобильник» төлөм алуучу терминалына жеке эсепти киргизүү менен төлөсө болот.

Кечээ мен өз насыя баянымды интернеттен ачып көргөм. Жигердүү насыя боюнча маалымат оң болчу, бүгүн болсо каржы-насыя уюмунун кызматкерлери карыз экенимди айтышты?

Насыя жоопчотундагы маалымат өзгөрө берет, себеби маалыматтарды жиберүү/жаңылануу жараяны тынбай күнү-түнү жүрөт эмеспи. Ушуга байланыштуу насыя жоопчотун алуу/топтоо мезгилиндегиси накта болуп саналат.

Эгер атык менен жашырыкты (логин,пароль) унутуп же жоготуп ийсем эмне болот?

Эгер атык менен жашырыкты жоготуп жиберсеңиз, пин-конвертти жаңыртып алышыңыз керек, себеби атык мене жашырык калыбына келтирилбейт.

«Ишеним» насыялоочуларга насыя берүү же бербөө жөнүндө сунуштай алабы?

Жок. «Ишеним» НМУ кардарга насыя берүү туралуу каржы-насыя мекемесинин чечим чыгаруу жараянына катышпайт, таасир этпейт жана сунушун бербейт.

«Онлайн-насыя баяны» менен «Онлайн-насыя жоопчоту» ортосундагы айырмачылык эмнеде?

«Онлайн-насыя баяны» - Сизге азыркы учурда интернет аркылуу насыя баянын карап турууга, так эместиктер менен шылуундукка жол бербөө үчүн анын тууралыгына жана толуктугуна көз салууга мүмкүндүк берүүчү тейлөө.

«Онлайн-насыя жоопчоту» - Сизге интернет аркылуу насыя баяндын жоопчот түрүндөгү маалыматын алууга жана аны бастырып чыгарууга мүмкүндүк берүүчү тейлөө. Ал каржы-насыя уюмунан насыя алууда, укуктуу жакты же жеке ишкерликти жоюуда, чет өлкөгө чыгууда, ишке орношууда ж.б. учурларда пайдаланылат.